Connect with us

Hi, what are you looking for?

Basketboll

NBA, “fluturojnë” Toronto, Boston e New Orleans

Shkëlqen DeMar DeRozan fluturon Toronto Raptors. Skuadra më e mirë e sezonit të rregullt në Konferencën e Lindjes e çoi në 2-0 serinë e përballjeve ndaj Washington Wizards dhe tashmë ka hedhur një hap të sigurtë drejt raundit të dytë të play-offit. Gjithçka e lehtë për Raptors në Air Canada Center me skuadrën kanadeze që iu fal yllit të saj DeMar DeRozan për të mposhtur me rezultatin 130-119 skuadrën kryeqytetase. Me 37 pikë 4 asiste dhe 7 rikuperime DeRozan bëri të pavlefshme edhe paraqitjen shumë të mirë të John Wall për miqtë i cili koleksionoi në total 29 pikë 9 asiste dhe 4 topa të kontrolluar poshtë tabelës. Me avantazhin 2-0 në favor tashmë Toronto do të udhëtojë më e qetë drejt Ëashingtonit aty ku do të zhvillohen dy përballjet e rradhës të serisë mes tyre.

Kyrie Irving vazhdon të mungojë për shkaqe dëmtimi por kjo nuk e pengon aspak Boston Celtics të vazhdojë marshimin. Skuadra më e titulluar e NBA pasi fitoi me shumë vështirësi sfidën e parë play-off ndaj Milwaukee Bucks nuk e diskutoi aspak suksesin në takimin e dytë të zhvilluar sërish në TD Garden. Boston triumfoi me rezultatin e thellë 120-106 për meritë të talentit nga Georgia, 21-vjeçarit Jaylen Broën, i cili zhvilloi një ndeshje vërtet fantastike duke realizuar 30 pikë. Falë një periode të parë të shkëlqyer të cilën e mbyllën në avantazhin e 11 pikëve, Celtics nuk i dhanë më asnjë mundësi skuadrës nga Wisconsin për të reaguar. Greku Giannis Antetokounmpo rezultoi sërish lojtari më i mirë i sfidës me 30 pikë 8 asiste e 9 rikuperime, por ylli i Milwaukee nuk u mbështet siç duhet nga shokët e skuadrës dhe në fund Bucks dolën të mundur.

E pabesueshmja e raundit të parë të play-offit në NBA po ndodh në Oregon aty ku New Orleans Pelicans falë dyshes Jrue Holiday-Anthony Davis hodhi në tapet edhe në sfidën e dytë Portland Trail Blazzers duke e çuar në 2-0 serinë mes tyre dhe tashmë Pelicans do të shfrytëzojnë faktorin fushë për të mbyllur llogaritë në këtë duel.  Nëse në ndeshjen e parë skuadra nga Louissiana fitoi me vetëm 2 pikë diferencë këtë herë fitorja ishte më e lehtë për miqtë të cilët triumfuan me rezultatin 111-102 në një ndeshje ku Jrue Holiday ishte thjeshtë i mrekullueshëm pasi realizoi 33 pikë, ndërsa Anthony Davis me 22 pikë e 13 rikuperime ishte gjithashtu përcaktues për Pelicans. Bëri pak edhe këtë herë për të ndryshuar fatet e këtij takimi dyshja e Blazzers McCollum-Lillard të cilët në total realizuan vetëm 39 pikë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...