Serie A

Napoli arrin marrëveshjen me Bolognan për Simone Verdin

Simone Verdi është gjithnjë e më pranë Napolit. Bisedimet mes drejteusve napolitanë dhe homologëve të tyre të Bolognas kanë avancuar deri në atë pikë sa mediat italiane sigurojnë se është arritur marrëveshja totale dhe tashmë pritet vetëm vendimi i futbollistit, që aktualisht ndodhet me pushime. Të premten pritet përgjigjja përfundimtare e 25-vjeçarit që, nëse do të jetë negative do ta detyrojë Napolin të hidhet në sulm për një objektiv të ri, Deulofeun e Barcelonës.

Bolonga ka rënë parimisht dakord për t’u privuar nga sulmues duke përfituar 25 milionë euro. Ekziston mundësia që Napoli të paguajë 20 milionë dhe t’i ofrojë një futbollist Bolognas. Verdi do të përfitonte 1.5 milionë euro në sezon nën urdhrat e Sarrit, thuasje dyshifin e pagës që merr të Bologna.

To Top