Gjergji Muzaka ishte një nga futbollistët më të mirë në fushë për korçarët, ndërsa shënoi edhe golin e 4-t, me 11 metërsh, në minutën e 78’.
“Hasëm pak vështirësi në pjesën e parë, por nuk e ulëm ritmin dhe kthyem gjithçka në favorin tonë. Harmonia në ekip është ndoshta arma jonë më e fortë, që na ndihmon të shkojmë drejt sukseseve”, tha Muzaka.
Mesfushori tiranas i Skënderbeut komentoi edhe rolin e ri, ku po aktivizohet së fundi te Skënderbeu dhe po dhuron paraqitje mjaft të mira.
“Jam përshtatur mjaft mirë në rolin e ri, duke luajtur më në qendër dhe ndjej që jap më të mirën time. Nuk e di nëse duhet të isha provuar më përpara aty, por rëndësi ka që po paraqitem mirë dhe po i shërbej skuadrës, edhe në atë rol”, tha mesfushori i Skënderbeut.