Kupa e Shqiperise

Musolli: Kualifikohemi në Kukës, Shtubina u keqkuptua

Kapiteni i Kukësit, Besar musolli shfaqet i kënaqur me barazimin e marrë në Laç, ndërsa thekson se kualifikimi do të synohet në takimin e kthimit, në ‘Zeqir Ymeri’ .

A jeni i kënaqur me këtë rezultat?
Musolli: Ne kishim ardhur për fitore dhe dhamë maksimumin, por nuk ia dolëm të fitojmë. Gjithsesi, luajtëm mirë dhe morëm këtë rezultat pa gola, ndërsa ka edhe një pjesë në Kukës, ku do të tentojmë kualifikimin.

Çfarë ndodhi me Shtubinën?
Musolli: Ishte vetëm një keqkuptim, pasi Shtubinën e kam pasur bashkëlojtar dhe e tërhoqa për ta sqaruar dhe qetësuar, por ai moment u keqkuptua dhe erdhi ai reagim. Gjithsesi nuk ka asgjë.

A u ndje mungesa e Bakajt?
Musolli: Natyrisht që Bakaj është një sulmues i rëndësishëm dhe mungesa e tij peshon, por jemi munduar ta zëvendësojmë me lojtarë të rinj. Sot nuk rrezikuam aspak në mbrojtje, por mund të kishim bërë pak më shumë në sulm. Gjithsesi, mund të rregullojmë çdo gjë në Kukës, në ndeshjen e kthimit.

To Top