Optimist pavarsisht humbjes në derbi. E ardhmja e Vincenzo Montellës në stolin është vënë në dyshim të madh pas këtij fillim sezoni aspak të mirë me kuqezinjtë që në 8 javët e para të Serisë A, kanë regjistruar 4 fitore dhe 4 humbje. Gjithsesi edhe pse Milani i tij u mposht 3-2 në derbin e Madoninës ndaj Interit, tekniku i kuqezinjëve ka mbetur i kënaqur nga paraqitja e skuadrës. “ Kam parë një reagim të shkëlqyer në pjesën e dytë, krijuam 7 apo 8 raste për gol, kemi luajtur me shpirt dhe duhet të shohim anët pozitive të kësaj disfate”.
Objektiv i Milanit vazhdon të mbetet vendi i 4-t që do t’i siguronte kualifikimin në Champions League për sezonin e ardhshëm me Montellën që beson ende te arritja e tij.” Sigurisht që kemi mundësi për t’u renditur të 4-it, për momentin ky objektiv ngjason me diçka të pamundur por kampionati është ende shumë i gjatë”.
