Rezultatet në javët e fundit për Milanin kanë qenë vërtet zhgënjyese dhe e ardhmja e Vincenzo Montellës në stolin e Milanit është vënë në pikëpyetje të madhe. Por trajneri nuk e humbet besimin dhe është i sigurtë se rezultatet pozitive do të vinë. “ Shikoj te djemtë shpirtin e duhur, mendoj që kthesa është shumë afër dhe kjo skuadër do të shpërthejë nga momenti në moment”, theksoi fillimisht 43-vjeçari. Me tej Montella shtoi: “ Po na mungojnë rezultatet por jemi një skuadër e ekulibruar, vërrshëllimat të dielën në San Siro ndaj Genoas nuk ishin për futbollistët por për mua. Është normale që të flitet për trajnerë të tjerë. Bonucci? Nuk kemi bërë asnjëherë një hap mbrapa në lidhje me shiritin e kapitenit”, nënvizoi Montella. Këtë të mërkurë Milani do të kërkojë të rikthehet te fitorja në kampionat në transfertën e Veronës, ndaj Chievos.
