Monaco ka arritur të marrë një fitore bindëse në transfertën ndaj St. Ettienit, në ndeshjen hapëse të javës së 18 të Ligue 1. Skuarda e Principatës iu imponua vendasve me rezultatin e thellë 0-4, duke shënuar nga 2 gola në çdo pjesë.
Sidibe hapi serinë e golave në minutën e 3-të, ndërsa fantazisti Lemar dyfishoi shifrat në të 32-tën. Në fillim të pjesës së dytë ishte mesfushori brazilian Fabinho që shënoi golin e 3-të, ndërsa St. Ettieni mbeti me 10 futbollistë pas kartonit të kuq të portierit Ruffer për shkak të protestave. Golin e fundit e shënoi ish sulmuesi i Lazios në Itali, Keita Balde, që vulosi edhe fitoren për skuadrën e Monacos.
Pas 18 javësh, Monaco renditet në vendin e dytë me 38 pikë, 6 më pak se PSG-ja kryesuese dhe 3 më tepër se Lyoni i vendit të tretë.
