PSG-ja mposhti Angers-in me rezultatin 0-5, por vetëm 3 orë më pas, ndjekësja më e afërt e kryeqytetasve, Monaco iu kundërpërgjigj në të njëjtën mënyrë.
Skuadra e drejtuar nga portugezi Jardim, fitoi me rezultatin tenistik 6-0, ndaj Guingamp-it dhe ruajti distancën prej 4 pikësh me PSG-në kryesuese.
Carrilo dhe Traore shënuan nga dy gola, ndërsa Fabinho dhe Keita Balde, plotësuan goleadën për skuadrën e principatës. Në takimet e tjera, Nantes fitoi 2-1 ndaj Toulose-s, Troyes mposhti 3-0 Strasbourg-un dhe Montpellier e Amiens, u ndanë në barazim 1-1.
Java e 12 e kampionatit francez mbyllet nesër, me 4 takime të tjera, ndërsa renditja kryesohet nga PSG-ja me 32 pikë, e ndjekur nga Monaco me 28 dhe Nantes me 23.
