Duket se diçka është thyer mes Torinos dhe Sinisa Mihajlovicit dhe një gjë të tillë e pranoi edhe vetë trajneri serb. Humbja 3-0 me Fiorentinën ka lëkundur jo pak pozitat e tij në stolin “granata”. Mihajlovic theksoi se, kur gjërat nuk shkojnë mirë në ekip, është faji i trajnerit. Ai shtoi se pas derbit skuadra humbi besimin. Megjithatë Miha pohoi se shpreson të ketë kohë për t’i ndryshuar gjërat sërish, për të mirën e skuadrës.
“E di sesi funksionojnë gjërat në momente të tilla, shoqëria ka në dorë fatin e trajnerit. Është pa dyshim momenti më i keq që kur kam marrë drejtimin e skuadrës. Shpresoj të kem kohë për t’i ndryshuar gjërat. Nuk kemi gabuar taktikisht, por në anën karakteriale. Është e papranueshme, s’kemi si të justifikohemi. Mendoja që kisha një skuadër të pjekur, por ndoshta nuk është kështu. Nëse do të konfirmohem, do të bëhem si them unë.”
