José Mourinho nuk e fsheh admirimin për PSG, sikundër nuk fsheh edhe faktin se karriera e tij si trajner nuk do të mbyllet në stolin e Manchester United. Që në sezonin e parë te “Djajtë e Kuq”, portugezi 54-vjecar fitoi titullin e Europa League-s dhe Kupën e Ligës, ndërkohë që aktualisht skuadra e tij renditet e dyta në Premier League, ku numëron 6 fitore nga 8 ndeshjet e luajtura në këtë fillim sezoni. Mourinho duket se u ka dhënë materialin e duhur mediave për të spekuluar për të ardhmen e tij, sidomos pas një intereviste për “Telefoot”. Portugezi, me një karrierë të pasur e plot triumfe në Portugali, Angli, Spanjë dhe Itali, tashmë synon të prekë Parisin. Kështu shkruajnë revistat europiane. Në të vërtetë, lidhja e emrit të tij me klubin e Nahser Al khelaifit ka ndodhur edhe më parë, si në vitin 2016, kur të gjitha mediat europiane deklaruan se sheiku nga Katari ëndërronte trajnerin e sukseshëm, por në atë kohë Mourinho preferoi Chelsea-n Sidoqoftë, tani është Mourinho ai që evokon romancën e re me klubin nga Parisi.
“Im bir, që jeton në Londër, shkoi në Paris për të parë një ndeshje të PSG dhe nuk ndoqi Man. United. Ju do të pyesni pse zgjodhi Parisin. Ka dicka speciale. Është fantastik, magjik, me kualitet dhe rini.”
Fjalë të cilat janë marrë si një mesazh për skudrën pariziene. Ka ende kohë, por portugezi dhe PSG duket se kanë lënë një takim.
