Skuadra Mercedes ka dominuar garën e Barcelonës, pasi përveç provave zyrtare, dy makinat e saj e kanë kaluar edhe finishin të parat, pasditen e sotme.
Ishte pikërisht kampioni në fuqi, Lewis Hamilton, ai që triumfoi në garën spanjolle, i ndjekur nga shoku i skuadrës, Valteri Bottas në vendin e dytë.
Vetëm vendi i 4-t për Sebastain Vettel, që e mbylli garën mes dy makinave Red Bull, para Ricciardos dhe pas Verstappenit.
Me këtë fitore Lewis Hamilton vijon të ruajë kryesimin dhe madje fillon shkëputjen nga rivali i tij i Ferrarit, gjermani Vettel, diferenca mes të cilëve është plot 17 pikë tashmë.