Benevento ka vendosur një rekord absaolut në Serinë A, duke mos arritur të marrë asnjë pikë, në 9 javët e para të luajtura. Pikërisht për këtë arsye, drejtuesit e klubit kanë vendosur të largojnë nga pankina, trajnerin Marco Baroni, për t’ia besuar stolin një tjetër tekniku. Bëhet fjalë për Roberto De Zerbin, që ka drejtuar për 3 muaj Palermon, vitin e kaluar.
Te Benevento luajnë edhe dy futbollistët e kombëtares shqiptare, Mesfushori Ledian Memushaj dhe mbrojtësi, Berat Gjimshiti. Vlonjati ka qenë futbollisti i preferuar i Baronit, sepse ka startuar gjithmonë nga minuta e parë, ndërsa Gjimshiti ka gjetur më pak hapësira, kjo edhe për shkak të dëmtimeve. Gjithsesi, urojmë që tani me trajnerin e ri, dy futbollistët e kombëtares të kenë vazhdimësi në fushë dhe rezultate pozitive.