Connect with us

Hi, what are you looking for?

Europa League

Mbyllet faza në grupe e Europa Leagues, ja 24 ekipet e kualifikuara

Kanë përfunduar takimet për 6 nga 12 grupet e Europa Leagues, ndërsa janë dhënë edhe verdiktet e fundit. Kështu, AEK-u i Athinës ia ka dalë të sigurojë kualifikimin, falë barazimit pa gola në Vjenë, ndaj Austrias. Në sfidën tjetër të këtij grupi, Gattuso dështoi të gjejë fitoren e parë me Milanin, pasi u mposht nga Rijeka me rezultatin 2-0.

Kualifikim siguroi edhe Copenhageni, që mposhti në Danimarkë moldavët e Sherif Tiraspolit, ndërsa Lokomotiva e Moskës triumfoi ndaj modestëve të Zlinit. Edhe bullgarët e Ludogoretsit ia dolën të kualifikohen falë barazimit 1-1 në Gjermani, ndaj Hoffenhaimit, duke zhvlerësuar fitoren e Basaksehirit ndaj Bragës.

Atalanta mposhti Lyonin 1-0 dhe siguroi vendin e parë në grup, ndërsa në takimin tjetër Evertoni triumfoi 0-3 ndaj Apollon Limasolit. Astana bëri befasinë në Pragë, teksa fitoi 0-1 dhe u kualifikua duke lënë jashtë pikërisht vendasit e Slavias. Në sfidën tjetër të grupit, Villareali u mposht 0-1 nga izraelitët e Macabi Tel Avivit. Në grupin e Skënderbeut, Dinamo e Kievit priti Partizanin e Beogradit, të cilin e mposhti me rezultatin e thellë 4-1.

Në grupin K, Lazio u mposht 3-2 nga belgët e Zultes, por skuadra e Inzaghit e kishte siguruar edhe matematikisht vendin e parë në grup. Thomas Strakosha dhe disa titullarë të tjerë, nuk udhëtuan fare drejt Blegjikës për këtë sfidë. Në takimin tjetër të grupit, Vitesse mposhti Nicen 1-0, me një gol të shënuar në minutën e 85-të të sfidës.

Edhe në grupin L ishte dhënë verdikti dhe ndeshjet luheshin sa për statistikë. Kështu Zeniti i Roberto Mançinit u konfirmua në krye te grupit, pasi mposhti Sociedadin me rezultatin 1-3, në Spanjë. Në Maqedoni, Vardari u ndal në barazim 1-1 me norvegjezët e Rosenborgut.

Athletic Bilbao ia doli me sukses në transfertën ukrainase ndaj Zoryas, ku fitoi 0-2 dhe siguroi kualifikimin. Në takimin tjetër të grupit, Hertha Berlin dhe surpriza Ostersunds, ndanë nga një pikë në barazimin 1-1.

Plzeni fitoi në Izrael, 0-2 ndaj Hapoel Ber Shevas dhe siguroi kualifikimin bashkë me rumunët e Steauas së Bukureshtit, që sot u mposhtën 1-2 nga Lugano.
Crvena Zvezda ia doli me sukses të kualifikohej, teksa mposhti me rezultatin 1-0 gjermanët e Kolnit, në Beograd. Në sfidën tjetër të grupit, Arsenali shkatërroi bjellorusët e Bates me rezultatin 6-0.

Edhe Marseja ia doli të kualifikohej, ndonëse nuk shkoi më shumë se një barazim pa gola në ‘Velodrome’, përballë kryesuesve të grupit, Salzburgut. Barazim, por këtë herë me gola, 1-1 përfundoi edhe sfida tjetër e këtij grupi, ajo mes Konyasporit dhe Guimaresit.

Ja 24 ekipet e kualifikuara:

1. Villareal
2. Astana
3. Dinamo Kiev
4. Partizan beograd
5. Braga
6. Ludogorets
7. Milan
8. AEK
9. Atalanta
10. Lyon
11. Lokomotiva e Moskës
12. Copenhagen
13. Plzen
14. Steaua Bukuresht
15. Arsenal
16. Crvena Zvezda
17. Salzburg
18. Marseille
19. Ath. Bilbao
20. Ostersunds
21. Lazio
22. Nice
23. Zenit
24. Real Sociedad

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...