Kylian Mbappe ishte një nga afrimet e bujshme të kësaj vere për Paris Saint Germain, teksa erdhi nga Monaco me formulën e huazimit me detyrim blerjeje në fund të sezonit. 19-vjeçari ishte një nga objektivat e Realit të Madridit, por në fund përfundoi në kryeqytetin francez, jo atë spanjoll.
Megjithatë, në një intervistë të dhënë në ditët e fundit, Mbappe i ka hapur edhe njëherë dyert e largimit nga PSG-ja, pasi u shpreh se nuk e di ku do të luajë pas 2 viteve.
“Sigurisht që unë kam disa plane të miat për karrierën, por kjo varet edhe nga ecuria. Unë nuk e kisha parashikuar se do të përmirësohesha kaq shumë sa të mbërrija te PSG-ja këtë sezon, por ja që ndodhi. Në futboll planet nuk dalin, ndaj unë nuk e di se ku do të luaj pas 2 sezonesh”, deklaroi Mbappe.