Olimpique Marseille nuk dorëzohet në garën për vendin e 3-të. Në “Orange Arena” ekipi i Rudi Garcias triumfoi me lehtësi ndaj Lille me rezultatin 5-1 në një ndeshje që nuk pati histori dhe që u zgjidh që në pjesën e parë nga dyshja e sulmit Thauvin dhe Mitroglou.
Francezi shënoi dy herë në 30 minutat e para, fillimisht në të 12-tën, ndërsa më pas nga pika e bardhë. Ndërkohë që përpara pushimit ishte Mitroglou që realizoi dhe ai dygolëshin e tij. Në të 35-tën greku realizoi pas një goditje me kokë, ndërsa në të 38-tën me një goditje gjysmë-gërshërë mposhti për herë të 4-t portierin e Lile.
Finalizimi i Benzias thjesht sa shërbeu për statistikë për Lille në pjesën e dytë, ndërsa rezultati përfundimtar u vulos nga Ocampos që shënoi golin e 5-1 duke bërë që Marsejë të barazojë me pikë Lionin në klasifikim.