Marseille fiton mbetet në garën për vendin e dytë në Ligue 1. Skuadra e Rudi Garcias fitoi 3-0 përballë St Etienne, duke vijuar ecurinë pozitive në shtëpi.
Valere Germain hapi serinë e golave në Velodrome pas vetëm 11 minutave lojë, ndërsa gjithçka u bë më e thjeshtë për marsejezët pas kartonit të dytë të verdhë të Pierre-Gabrie që në startin e pjesës së dytë la St Etienne në inferioritet numerik.
Germain realizoi sërish duke dyfishuar shifrat për Marseille, ndërsa Ocampos vulosi suksesin e skuadrës së tij.
Me fitoren e tretë në katër javët e fundit të kampionatit, Marseille i përgjigjet Lyonit e Monaco, duke iu bashkuar këtyre skuadrave në vendin e dytë në renditje, në kuotën e 35 pikëve.
Në takimet e tjera, Amines u mposht 1-2 nga Lyoni, ndërsa Nice triumfoi 1-2 në fushën e Nantes.