Inter-Roma është kryefjala e javës së 21-të të Serisë A. Superdueli që pritet të prodhojë emocione të mëdha. Zikaltërit nuk regjistrojnë asnjë fitore në pesë përballjet e fundit dhe përballë është Roma. Të dy klubet pak a shumë po kalojnë të njëjtën situatë, ndërsa suksesi është mision i përbashkët. Takimi i fazës së parë u fitua nga Inteir ndërkohë këtë herë vështirë të flitet për favoritë. Perotti është mungesa e vetme e Romës ndërkohë Spalletti ka rikuperuar dyshen e mbrojtjes Miranda-D’ambrosio dhe ndaj ish skuadrës së tij do të kërkojë një tjetër fitore pas asaj të fazës së parë, sukses që do t’i jepte një bonus të madh Interit në garën për titull. Këtë takim ju do të mund ta ndiqni live në Supersport 2 në orën 20:45.
Milani do të udhëtojë në transfertën ndaj Cagliarit. Kuqezintjë duket se kanë rigjetur ritmin e duhur. Tekniku Gatusso në media ka deklaruar se Milani nuk është një skuadër e bukur për t’u parë, por momentalisht i interesojnë vetëm fitoret. Ndaj dhe në këtë transfertë misioni është i njëjtë. Tre pikët për t’u ngjitur në renditje. Këtë ndeshje mund ta ndiqni në SS2 në oren 18. Ndërkohë dy takimet e tjera që do të mund të ndiqni nga kampionati italian në ekranin tonë janë Sassusolo-Torino në SS5 ora 15 dhe po në të njëtin orar, por në SS6 Bologna-Benvento.