Kupa e Spanjes

Lleida turpëron Sociedadin, Barça e Sevillja bëjnë goleadë

Real Sociedadi ka bërë një paraqitje të turpshme ndaj Lleidës, në takimin e kthimit në Kupën e Mbretit. Pasi fituan takimin e parë 1-0, vendasit shënuan edhe 2 gola në pjesën e parë të takimit të sotëm dhe u duk se arkivuan kualifikimin, por në pjesën e dytë ndodhi befasia.

Skuadra e Ligës së 3-të arriti të dërgojë 3 herë topin në portën e Sociedadit, në 45-minutëshin e dytë dhe të sigurojë kualifikimin, ndërsa vendasit mbetën të shtangur, duke u eliminuar në mënyrë të turpshme.

Në 2 takimet e tjera, Barcelona dhe Sevillja arritën të fitojnë me goleada. Kështu, katalanasit, pasi fituan 0-3 në sfidën e parë, triumfuan 5-0 sot dhe regjistruan rezultatin e përgjithshëm 8-0 ndaj Murcias. Edhe Sevillja fitoi me të njëjtin rezultat në takimin e parë në Cartagena, ndërsa sot arriti të shënojë plot 4 gola, duke u kualifikuar me rezultatin e përgjithshëm 7-0.

To Top