Liverpooli shpërdoroi një mundësi të mirë për t’iu afruar Manchester United në renditje, pasi nuk mundi të mbronte avantazhin e dyfishtë ndaj West Brom, duke barazuar 2-2 në transfertë. Nja ga dy golat e “The Reds” u shënua nga egjiptiani Mohamed Salah, i cili shkon në kuotën e 31-finalizimeve në Premier League, duke thelluar me dy gola diferencën me Lionel Messin në duelin për Kepucën e Artë.
Liverpooli e gjeti epërsinë që në minutën e katërt me Ings, i cili u shërbyer nga holandezi Wijnaldum.
Nuk mund të mungonte në këtë transfertë Mohamed Salah, që shfrytëzoi më së miri pasimin e Chamberlain në minutën e 72-të.
Në minutën e 79-të Livermore ngushton në 1-2, ndërsa 2 minuta nga fundit i kohës së rregullt Rondon barazon rezultatin në 2-2. Pavarërisht dëshirës së madhe vendasit nuk arritën të shënon një gol të tretë për përmbysjen e madhe, duke marrë vetëm një pikë, që vlen pak për mbijetesën, sepse West Brom mbetet në vendin e fundit me vetëm 25 pikë.
