Marko Livaja, qendër-sulmuesi i AEK-ut të Athinës, e cilëson si përballje të veçantë atë të sotmen me Milanin, për faktin se ka një të shkuar te rivalët e kuqezinjve, Interi.
Kroati ka luajtur te të rinjtë e zikaltërve, ndërsa ka debutuar me ekipin e parë kur trajner ishte Stramaccioni, por më pas ka ndërruar shumë klube, deri sa përfundoi në Athinë.
“Kam të kaluar interiste, por jam edhe një tifoz i flaktë i zikaltërve, ndaj sfida e sotme do të jetë pak a shumë si një derbi për mua. Do të lumturohesha shumë po të ndalnim Milanin, e aq më tepër po t’i shënoja unë. Ne jemi një ekip simpatik, që mund t’i imponohemi skuadrës së Montellës, në mënyrën tonë, ndaj kam besim se do të marrim diçka nga kjo transfertë”, tha sulmuesi kroat i AEK-ut.