Java e 18 e Vala Superligës në Kosovë, ka vijuar sot me 2 takimet e radhës, ndërsa në fushë zbritën edhe 2 skuadrat e vetme të kësaj lige, që drejtohen nga trajnerë shqiptarë.
Kështu, Liria e Prizrenit, që drejtohet nga Blendi Shkëmbi, udhëtoi për në Drenicë, për t’u përballur me skuadrën vendase. Ndonëse kishte përballë një kundërshtar mjaft të fortë, Liria u mbajt mirë deri në minutën e 93-të, kur Hamiti i ndëshkoi dhe i dha 3 pikët Drenicës.
Edhe Prishtina e Josës nuk ia doli të marrë fitore sot, në transfertën ndaj Feronikelit. Kryeqytetasit nuk shkuan më shumë se nja barazim pa gola, që gjithsesi i mban në vendin e dytë të renditjes.
Vala Superliga kryesohet nga Llapi i Podujevës me 33 pikë, i ndjekur nga Prishtina me 32 dhe Drita me 29, ndërsa 3 skuadrat që vijojnë, mes të cilave edhe Liria, kanë nga 28 pikë.