Connect with us

Hi, what are you looking for?

Futboll

Legjionarët në “top” formë këtë fundjavë

Legjionarët kuqezi po kalojnë momente të ndryshme, pasi jo të gjithë po shkëlqejnë në fushën e lojës. Në Serinë A vijon momenti i artë për Napolin dhe Elseid Hysajn, ndërkohë që mund të thuhet e njëjta gjër për Thomas Strakoshën por jo për Lacion e tij. Në duelin direkt midis këtyre dy skuadrave nuk mungoi derbi kuqezi, me Strakoshën që me të vërtetë pësoi 4 gola por u shpall një nga më të mirët për kryeqytetasit. Fjalët e zakonshme për Elseid Hysajn që ashtu si shoku i tij i kombëtares është një nga më të mirët e Napolit. I saktë në mbrojtje por kësaj radhe i saktë edhe në ndërtimin e manovrës sulmuese në krahun e djathtë. Mbrëmje për t’u harruar për Beneventon por jo për mbrojtësin Berat Xhimshiti. 25-vjeçari ka bërë një paraqitje të jashtëzakonshme pavarësisht 5 golave që skuadra e tij ka pësuar. I pafat në prekjen e topit me dorë në kohën shtesë duke shkaktuar penalltinë e golit të fundit. Në stol qëndroi në këtë ndeshje mesfushori Ledian Memushaj. Derbi kuqezi edhe në sfidën Crotone-Atalanta të mbyllur në barazim 1-1. Arlind Ajeti hyn në fushë në mesin e pjesës së dytë por me paraqitjen e tij arrin të marë notën më të lartë për skuadrën, për më tepër që aktivizohet në një pozicion jo natyral, përpara mbrojtës, një pozicion i tipit Pirlo. Nëse nuk do të ishte ai gabim në golin e Crotones kjo mund të konsiderohej një ndeshje e jashtëzakonshme për Etrit Berishën që në pjesën e parë fluturon për të hequr një top pikërisht në trekëndëshin e portës. Në Serinë B ka shkuar gjithçka mirë për Veselin, Bashën dhe Alijin, pasi përveç paraqitjeve individuale të tyre kanë arritur të triumfojnë respektivisht me skuadrat e tyre, Empolin, Barin dhe Virtus Entellën. Në Bundesligë Mavraj dhe Abrashi nuk kanë mundur të evitojnë humbjet për skuadrat e tyre Hamburg dhe Freiburg, pavarësisht se të dy kuqezinjtë kanë luajtur për 90 minuta të plota. Situata e skuadrës së qendërmbrojtësit është kritike duke rrezikuar seriozisht qëndrimin mes më të mirëve, ndërkohë që Freiburgu i Abrashit për momentin është në një zonë të qetë. Armando Sadiku ka shfaqur probleme duke shtyrë debutimin me Levanten që u mposht në derbin ndaj Valencias. Ivan Balliu rikthehet titullar tek Metzi në ligën e parë franceze por pa mundur të evitojë një tjetër humbje për skuadrën e tij që sheh gjithnjë e më pranë fantazmat e ligës së dytë. Sokol Cikalleshi rezulton deçiziv për Osmanlispor në një transfertë të vështirë ndaj Goztepes. Sulmuesi kavajas ka shënuar dy herë për t’i dhënë barazimin 3-3 skuadrës së tij që këtë vit synon mbijetesën. Një moment të mirë po kalon Eros Grezda që me Osijek shënon në portën e Dinamos së Zagrebit por pa mundur të evitojë humbjen për skuadrën e tij.

 

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...