Partizani është ridimensionuar edhe në stafin teknik me një ndryshim të rëndësishëm. Trajneri i portierëve, Mario Capecce, i cili u bashkua me të kuqtë rreth 20 muaj më parë, është larguar pas një aventure të suskesshme te skuadra kryeqytetase. Ai nuk ka dashur të polemizojë, por “Sport News” mëson se shkak për këtë vendim është bërë pakënaqësia që ai ka pasur ndaj drejtuesve aktualë të klubit. Capecce ishte një nga emrat më të lakuar të dy sezoneve të fundit te Partizani për shkak të punës së mirë të bërë me Hoxhën, Dajsinanin dhe Xhikën. Tashmë pritet që drejtuesit e klubit të marrin një vendim për të plotësuar boshllëkun e madh të lënë nga Capeçe, i cili ka stërvitur në të shkuarën edhe emra me peshë të futbollit italian si Mirante apo Marchetti.
