Connect with us

Hi, what are you looking for?

Kupa e Shqipërisë

Tirana ‘hakmerret’ ndaj Vllaznisë, kryesueset nuk hasin probleme

Tirana ka arritur të ‘hakmerret’ ndaj Vllaznisë, duke e mposhtur me rezultatin e pastër 2-0, në takimin e vlefshëm për Kupën e Shqipërisë, në ‘Selman Stërmasi’. Në klasiken e futbollit shqiptar, bardheblutë arritën të dominonin, ndërsa në pjesën e dytë gjetën 2 herë rrjetën dhe tani janë shumë pranë kualifikimin. Pjesa e parë ishte disi më e ekuilibruar, me skuadrën e Ze Marias që ishte më e qartë në aksionet e saj sulmuese, ndërsa shkodranët kërkonin të rrezikonin nëpërmjet kundërsulmeve të shpejta.

Në pjesën e dytë, djemtë e Gjokës filluan të ndjejnë lodhjen, pasi luanin takimin e 3-të brenda javës dhe si rrjedhojë humbën terren ndaj bardhebluve. Nga ana tjetër, Tirana rriti presionin dhe arriti të gjejë golin me sulmuesin Bedri Greca, në minutën e 68’, pas një aksioni të bukur të nigerianit Ngo. Pak minuta më vonë, ishte mbrojtësi brazilian Uellison, që mposhti portierin Sherri me kokë, pas një krosimi nga këndi i Karabecit. Kështu, pasi Vllaznia e çoi një kategori më poshtë, në takimin e fundit të sezonit të kaluar, këtë herë Tirana është shumë pranë nxjerrjes jashtë Kupës së Republikës, të shkodranëve.

Skuadrat e mëdha hedhin një hap të sigurt drejt kualifikimit për në çerekfinale të Kupës së Shqipërisë, pasi kanë arritur fitore në transfertë në ndeshjet e para të fazës së 1/8-ave. Kështu në Grupin A Kukësi triumfoi 1-4 në transfertë me Erzenin, me sfidën e kthimit që mbetet thjesht një formalitet. Nuk lëshoi në fushën e Besëlidhjes as Skënderbeu, që iu imponua 0-1 ekipin lezhjan, ndërsa Teuta barazoi 1-1 në transfertë me Kamzën, në një sfidë ku përplaseshin dy ekipet të Superiores.

Në Grupin B Bylis fitoi 2-1 me Luftëtarin në Ballsh, duke e vënë jo pak në vështirësi skuadrën që drejtohet nga Hasan Lika, ndërsa Laçi u tregua superior ndaj Lushnjës në “Roza Haxhiu”, duke triumfuar 1-3. Rezultat tenistik i Flamurtarit në fushën e Turbinës, ku kuqezinjtë shënuan një fitore të thellë 1-6.

KUPA E SHQIPËRISË TURI 1/8

GRUPI A

ERZENI-KUKËSI  1-4
Shënues: Goxhaj 86′ / Guri 5’, 16’, Koldashi 52’, Peposhi 88′

BESËLIDHJA-SKËNDERBEU  0-1
Shënues: Kelmendi 28’ 

KAMZA-TEUTA  1-1
Shënues: Rezi 1’ / Latif 30’

TIRANA – VLLAZNIA    2-0

GRUPI B

BYLIS-LUFTËTARI  2-1
Shënues: Kolgega 14’, Murataj 22’ / Ramadani 85′

LUSHNJA-LAÇI  1-3
Shënues: Pepa 69’ / Xhixha 26’, 29’, Bushi 67’

TURBINA-FLAMURTARI  1-6
Shënues: Dollani 60’ /  Licaj 17’ (11-m), Kamarra 30’, Toungara 39’, 85′, Hyseni 73’, Hoxhaj 82′ (11-m)

30 NËNTOR    

POGRADECI – PARTIZANI

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...