Kukësi vijon paraqitjet pozitive në miqësoret e dimrit, në Antalia ku po kryen fazën përgatitore. Pasi mposhti 2 ditë më herët Kayserisporin me rezultatin 2-1, skuadra e drejtuar nga austriaku Peter Pacult, ka regjistruar të njëjtin rezultat edhe ndaj Bursasporit sot.
Këta të fundit mposhtën 3-0 Skënderbeun më datë 8 Janar, ndërsa sot u ‘dorëzuan’ para verilindorëve. Bursaspori kaloi e para në avantazh, në pjesën e parë, pas një goditjeje dënimi të ekzekutuar saktë nga Ballata, duke e mbyllur në avantazh këtë 45-minutësh.
Kukësi u zgjua në pjesën e dytë dhe arriti të shënojë 2 gola të shpejtë, fillimisht me Imamin, që barazoi dhe më pas me prurjen e re, Donjet Shkodrën, që i dha avantazhin.
Kukësi do të vijojë të qëndrojë në Antalia edhe për disa ditë të tjera, ndërsa është programuar edhe një tjetër miqësore.
Formacioni me të cilin Pacult startoi takimin e sotëm:
