Kukësi është zhvendosur në Ohër për pjesën e dytë të fazës përgatitore duke evituar temperaturat e larta në vendin tonë. Skuadra e drejtuar nga trajneri Mladen Milinkovic është akomoduar në qytetin maqedonas prej tre ditësh dhe ka nisur punën nën urdhrat e trajnerit serb, i cili synon të ndërtojë një grup që të konkurrojë sërish për titullin kampion. Kërçiku nuk është bashkuar ende me skuadrën, ndërsa me grupin është bashkuar blerja më e fundit, braziliani Henrike. Trajneri Milinkovic e ka pothuajse të gjithë kontigjentin në dispozicion. Shefi i kliubit Jonuz Hallaçi jep disa detaje në lidhje me këtë pjesë të fazës përgatitore.
Në datën 23 Gusht, Kukësi do të sfidojë në një ndeshje miqësore skuadrën e Teutës dhe Hallaçi e pranon se gjatë këtyre ditëve të vitit është shumë e vështirë që të gjesh kundërshtarë për të kolauduar sa më shumë skuadrën në teste miqësore.