Nismës së kryetarit të Bashkisë së Tiranës, për të krijuar të ashtuquajturin pyll orbital të kryeqytetit, i është bashkuar edhe klubi I Partizanit.
Skuadra kryeqytetase, së bashku me Drejtorin Sportiv Olsi Rama, por edhe kreun e bashkisë së Tiranës, kanë mbjellë pemë pranë liqenit artificial, në mbështetje të nismës.
Klubi i Partizanit, nëpërmjet kapitenit Idriz Batha, i dhuruan kreut të bashkisë edhe një bluzë të skuadrës së kuqe, ndërsa Veliaj falënderoi të gjithë stafin, që mbështetën dhe iu bashkuan nismës së tij për të mbjellë pemë në kryeqytet.
