Futboll

Krahas Interit, zbulohet skuadra tjetër që nuk ka luajtur në Serinë B

Pordenone ia doli të marrë një kualifikim historik për në fazën e 1/8-ave të Kupës së Italisë, duke eliminuar pikërisht sardët e Cagliarit. Tani skuadra e Serisë C do të përballet me Interin, mbrëmjen e 12 dhjetorit, në një sfidë dhe një stadium historik për ta.

Gjithsesi te Pordenone e kanë marrë me humor këtë përballje dhe ndërkohë kanë vijuar të gjejnë edhe të përbashkëtat me zikaltrit. Në një postim në llogarinë zyrtare në Twitter, klubi thekson se përveç Interit, është edhe Pordenone skuadra që nuk ka shkuar asnjëherë në Serinë B, sepse ka luajtur gjithmonë në liga më të ulëta. Në një tjetër postim, te Pordenone çlirojnë fantazinë dhe imagjinojnë një kualifikim të mundshëm përballë zikaltërve.

To Top