Connect with us

Hi, what are you looking for?

Lajme

Konfliktet politike, FIFA në panik për Kupën e Botës

FIFA-n e ka zënë paniku pas rritjes së presionit ndërkombëtar për të bojkotuar Kupën e Botës, “Rusi 2018”. Edhe pse nuk ka asnjë reagim zyrtar nga qeveria e futbollit europian, privatisht disa drejtues të saj thonë nën zë se “helmimi i kolonelit Skripal ka mbushur kupën, tensioni është në kulm”.

Sipas “As”, Anglia ka nisur bisedimet me aleatët e saj për ta lënë të vetëm Vladimir Putinin në stadiumin “Luzhniki” në ceremoninë hapëse të Botërorit. Bojkoti i mundshëm, në fakt, mbështetet edhe nga Shtetet e Bashkuara të Amerikës.

Qeveria britanike është e bindur se pas helmimit ish-agjentit Sergei Skripal dhe vajzës së tij Yulia në Salisbury, në jug të Anglisë, qëndron Rusia.

Amerika u është bashkuar protestave të Anglisë, pasi ndërhyrja kibernetike ruse mendohet se ka prekur zgjedhjet e fundit presidenciale në SHBA.

Frika e fabrikimit të lajmeve të rreme nga Rusia për të influencuar mbi zgjedhësit ka përfshirë edhe Francën me Spanjën. Rusia, sikurse për rastin e vrasjes së Skripal, i mohon këto akuza dhe i sfidon akuzuesit që të gjejnë provat. Konfliktet më Ukrainë dhe Siri dhe aneksimi i Krimesë janë të tjera çështje që i shtohen listës së gjatë të problemeve që ka shkaktuar Putin. Pa harruar edhe dopingun shtetëror, që kulmoi me përjashtimin e atletikës ruse në Olimpiadë.

Për t’i përkeqësuar gjërat, në anën tjetër të botës, pikërisht në Lindjen e Mesme, Arabia Saudite dhe aleatët e saj, vijojnë bllokimin ndaj Katarit, që do të organizojë Botërorin e 2022-shit.

Më këtë panoramë të zymtë, FIFA është shumë e shqetësuar, madje, sipas AS, e ka kapur paniku.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...