Qendërmbrojtësi i Manchester Unitedit, Erick Bailey do t’i nënshtrohet një ndërhyrjeje kirurgjikale, që do ta mbajë jashtë fushave të lojës, për të paktën edhe 2 muaj.
Bailey nuk luan prej 8 ndeshjesh, për shkak të një dëmtimi, por vetë trajneri i ‘djajve të kuq’, Jose Mourinho njoftoi se dëmtimi i tij ishte më i rëndë sesa ishte parashikuar dhe mbrojtësi do t’i nënshtrohet një ndërhyrjeje kirurgjikale.
Që nga vera e kaluar, kur Bailey iu bashkua Unitedit nga Villareali, mbrojtësi është kthyer në një pikë referimi për skuadrën e Mourinhos. Kjo vërtetohet edhe nga statistikat, pasi United ka fituar më shumë takime dhe ka pësuar më pak gola, me Erick Baileyn në fushën e lojës.