Shqipëria sërish përballë Serbisë, por këtë herë në futbollin e femrave. Kombëtarja e 17 vjeçareve kuqezi është shortuar këtë të premte në Nion të Zvicrës me Serbinë në eliminatoret e kampionatit europian të kësaj moshe. Bashkë me Serbinë dhe Shqipërinë në të njëjtin grup, atë 7 gjenden dhe Irlanda dhe Uellsi. Ndeshjet do të luhen në Serbi në datat 22, 25 dhe 28 tetor 2018, dhe nga secili grup kualifikohen direkt 2 të parat dhe 4 vendet e treta më të mira. Gjithashtu u përcaktua dhe shorti për kombëtaren e femrave u-19 të drejtuara nga Nevil Dede, ku vajzat kuqezi të kësaj grupmoshe janë shortuar me Holandën, Poloninë dhe Bjellorusinë. Sfidat e 19 vjeçareve do të luhen në datat 3, 6 dhe 9 tetor 2018 në Holandë dhe kualifikohen 2 të parat e cdo grupi dhe 2 vendet e treta më të mira.
