Kategoria Superiore

Kategoria Superiore, ja kalendari i javës së 7-të

Mësohet axhenda e raundit të 7-të në Kategorinë Superiore,  që po hyn gjithnjë e më tepër në një fazë interesante. Java e ardhshme do të shtrihet në tri ditë, natyrisht pasojë edhe e impenjimit të shumëpritur të Skënderbeut në Europa League përballë Partizanit të Beogradit. Të shtunën do të luhen dy takime në orën 14.00, Luftëtari – Kukësi dhe Lushnja – Laci.

Të dielën, në orën 14.00, është momenti i Partizanit, që ka një tjetër sfidë delikate përballë Vllaznisë në “Loro Borici”. Pasditja e së dielës sjell në skenë Flamurtarin dhe Kamzën, që përballen në orën 17.00 në stadiumin e Vlorës, me skuadrën e Duros që gjen përballë ish-futbollistë si Argent Halilajn, Taulant Kuqin apo kroatin Ivan Fustar.

Futbolli i së hënës është i tëri për Skënderbeun, që i rikthehet kampionatit për t’u përballur me Teutën. Gjithsesi, skuadra e Dajës për momentin është e fokusuar te sfida me Partizanin e Beogradit në “Elbasan Arena”.

 

Java e 7-të

E shtunë

Luftëtari – Kukësi                        14.00

Lushnja – Laci                               14.00

E dielë

Vllaznia – Partizani                     14.00

Flamurtari – Kamza                     17.00

E hënë

Teuta – Skënderbeu                   18.00

To Top