Connect with us

Hi, what are you looking for?

Kategoria e Parë

Kanë kosto “të kripur”, ja pse trajnerët e huaj rezistojnë më shumë

Trajnerit të Kukësit Mladen Milinkovic i duhet të fitojë pikë të plota në 3 ndeshjet e radhës për të qëndruar në krye të skuadrës. Është ky ultimatumi, apo objektivi i radhës në kampin verilindor, ku çdo javë nuk mungon refreni mbi stolin e trajnerit që lëkundet. Presioni, në fakt, nuk është një gjë e re për kampionët në fuqi, por durimit të Gjicit duket se po i vjen fundi. Vështirë të imagjinosh që Ernest Gjoka apo Klodian Duro të kishin mbetur në drejtim me të njëjtën ecuri rezultatesh. Përtej gjykimit të presidentit për punën e trajnerit, një rol të rëndësishëm në këtë rast duket se luan dhe kontrata. Largimi i njëanshëm i Milinkovicit do të kishte dhe një kosto financiare për Kukësin dhe ky është një faktor jo pak i rëndësishëm. Nuk ndodh e njëjta gjë me trajnerët shqiptarë. Janë të shumtë teknikët që përsëritin se kolëgët e tyre të huaj këtu mbivlerësohen, por kopsitja juridike e marrëveshjes në rastet e trajnerëve shqiptarë shpeshherë çalon, e ndoshta akoma më shpesh ka të bëjë edhe mentaliteti. Pjesëtarë të ambientit ku punojnë prej një jete, trajnerët shqiptarë e kanë më të lehtë për të dhënë dorëheqjen. Për Cungun nuk kishte nevojë për një ultimatum, mjaftoi pakënaqësia e tifozerisë në Shkodër për rezultatet, që trajneri të kërkonte largimin nëpërmjet një sms-je. Për Artan Banon pavarësisht, një faze përgatitore plot mangësi dhe një kontributi të rëndësishëm në vite për Lushnjën, largimi ishte i paevitueshëm, ndërsa Magani ishte ai që pak javë më pare, duke u ndier në borxh me tifozët dhe presidencën, deklaronte publikisht një dorëheqje, që më pas nuk u pranua. Raste në antitezë të plotë me atë që ndodh me të huajt. Tifozët e Partizanit e kishin të vështirë t’i besonin Iulianon pas cdo humbjeje kur deklaronte se skuadra luajti mirë dhe fatin e tij duhet ta vendosë klubi. Trajnerët e huaj jo domosdoshmërisht janë më rezultativë, por më të shtrenjtë, patjetër që po, kur vijnë dhe kur ikin.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...