Premier League ka ulur sot siparin, me zhvillimin e të gjitha ndeshjeve të javës së 38 dhe të fundit të sezonit 2017-2018, ku Manchester City ishte konfirmuar si kampion prej disa javësh.
Sot u dhanë verdiktet edhe për zonën Champions, ku përfundimisht do të luajnë Liverpool, Manchester United dhe Tottenham, ndërsa Chelsea, Arsenal dhe Burnley do të mjaftohen me Europa Leaguen.
Sa i përket rënies në Premiership, përveç West Bromit dhe Stokes, ishte edhe Swansea skuadra që iu bashkua dy të parave sot, duke i dhënë lamtumirën ligës së më të fortëve.
Ndërkohë, Muhamed Salah u konfirmua golshënuesi më i mirë, me 32 gola të shënuar, i ndjekur nga Harry Kane me 30.