Ish portieri i Interit, Julio Cesar ka njoftuar se do t’i japë fund futbollit, tanë që është në moshën 38-vjeçare. Braziliani ka prishur kontratën e tij me Benfican dhe lajmi është konfirmuar edhe nga bashkëshortja e tij, aktorja Susana Werner.
“Julio ka zgjidhur kontratën e tij me Benficën, por ende nuk ka vendosur se çfarë do të bëjë deri në fund të sezonit. Besoj se tani do t’i përkushtohet familjes, pas kaq vitesh karrierë në nivele të larta”, tha bashkëshortja e portierit brazilian.
Susana pranoi se është e lumtur me vendimin e Julio Cesarit për t’u tërhequr nga futbolli, pasi tani do të kenë më shumë kohë për të qëndruar së bashku.