Connect with us

Hi, what are you looking for?

Kategoria Superiore

Jo vetëm afrimet në merkato, janari rikthen edhe tifozët në Shkodër

Përforcimet e Vllaznisë në merkaton e janarit kanë rikthyer edhe interesin e tifozëve në Shkodër. Për ndeshjen e kësaj të premteje, e para për vitin kalendarik 2018, stadiumi “Loro Boriçi” pritet të jetë i mbushur më tepër se asnjëherë tjetër gjatë këtij sezoni.Në entuziazmin e mbështetësve duket se kanë ndikuar blerjet kualitative të kuqebluve. Nga rikthimi në shtëpi i Xhevahir Sukajt, që cilësohej si lojtari që i ka munguar Vllaznisë gjatë këtyre viteve të fundit në sulm, te përforcimi i mbrojtjes.

Afati i transferimeve të dimrit shërbeu për të riparuar mbi të gjitha repartin difensiv, atë që ka qenë pika më e dobët e skuadrës në gjysmën e parë të edicionit. Me 22 gola të pësuar në 16 ndeshje shkodranët kishin mbrojtjen e tretë më të dobët të Kategorisë Superiore. Përforcimi i mbrojtjes me Berishën dhe Malotën në qendër, por edhe Mersinin në krah shihen si një pikë kthese në sezonin e Vllaznisë.

Të gjithë në Shkodër janë kuriozë të shohin se çfarë do të bëjë ndryshe skuadra e Ernest Gjokës, duke nisur nga ndeshja e parë ndaj kampionëve në fuqi të Kukësit. Nën drejtimin e Pakult veri-lindorët janë shfaqur si skuadra shqiptare më në formë në mini-fazën në Antalia, çka i bën ata një test sa të vështirë, aq edhe të rëndësishëm për Vllazninë.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...