Connect with us

Hi, what are you looking for?

Futboll

Iuliano: Gabova që shkova në Shqipëri, atje të gjithë vinin baste

Ish trajneri i Partizanit, Mark Iuliano ka hedhur dyshime mbi futbollin shqiptar. Në një intervistë për të përditshmen “Gazzetta dello Sport”, italiani ka folur për eksperiencën te ‘të kuqtë’, duke e etiketuar si një zgjedhje të gabuar të tij, ndërsa është shprehur se në Shqipëri të gjithë luajnë baste.

“Në fillim hezitova ta pranoja këtë ofertë e gjatë rrjedhës së punës sime kuptova se kisha pasur të drejtë. Kjo, sepse në Shqipëri iu lejohet të gjithëve, nga futbollistët, drejtuesit e klubeve, por edhe presidentëve, që të vendosnin baste mbi ndeshjet sportive. Kjo më vuri shpesh në vështirësi, sepse ishte një ambient i kushtëzuar, e ku nuk mund të punoja i qetë. Shumë ndeshje, sipas meje, kanë pasur rezultate të dyshimta. Pas largimit nga Partizani kam refuzuar disa propozime nga ekipet e Serie B dhe Serie C, por tani dua të përgatitem sa më mirë që të kthehem të jap kontributin tim”, thotë Mark Iuliano.

Iuliano mori drejtimin e Partizanit në verën e 2017-ës dhe pasi bërë një transformim të skuadrës, duke larguar shumë lojtarë dhe afruar shumë të tjerë, drejtoi të kuqtë për një fazë, apo 9 takime në kampionat. Ai u shkarkua menjëherë pas humbjes me Kamzën, e cila ishte e 4-ta për Partizanin, ndërsa më parë ishin shënuar edhe 2 barazime e 3 fitore. Iuliano e la Partizanin në kuotën e 11 pikëve, pas vetëm 9 javëve kampionat, ndërsa shumë prej lojtarëve të sjellë prej tij, nuk lanë gjurmë te të kuqtë, madje pati nga ata që nuk luajtën për asnjë minutë.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...