Connect with us

Hi, what are you looking for?

Lajme

Italia e re, Di Biagio projekton formacionin anti-Argjentinë

Rreth 4 muaj pas mbetjes jashtë botërorit ‘Rusi 2018’, kombëtarja italiane do të zbresë në fushë për dy miqësore luksi.

Në grumbullimin e parë, me Gigi Di Biagion si trajner i përkohshëm, vihen re 4 emra të rinj në skuadër. Bëhet fjalë për mbrojtësin Ferrari, mesfushorin Cristante dhe sulmuesit Chiesa e Cutrone, të cilët janë ‘gjaku i ri’ i një Italie të konsideruar e plakur.

Risi pritet të ketë edhe në vendosjen e skuadrës në fushë, teksa Di Biagio po provon formacionin me të cilin do të përballet me Argjentinën.

Kështu ndryshe nga Ventura, që e nisi me 4-24 dhe përfundoi në një 3-5-2 të rrëmujshëm, Di Biagio do të përdorë rreshtimin 4-3-3, për të shfrytëzuar më mirë cilësitë e lojtarëve që ka në ekip.

Në portë pritet të luajë Buffon, që e pranoi se iu përgjigj thirrjes vetëm për të kontribuar në ruajtjen e grupit, pasi në eliminatoret e ardhshme, por edhe Ligën e Kombeve, vendi do t’i takojë të rinjve Perin dhe Donnarumma.

Në mbrojtje qendra do të përbëhet nga Bonucci-Rugani, ndërsa në të djathtë do të luajë Florenzi dhe në të majtë Spinazzola. Regjia do t’i besohet italo-brazilianit të Napolit, Jorginho, i shoqëruar nga Verratti dhe njëri mes Pelegrinit e Cristantes.

Në majë të sulmit do të luajë golshënuesi më i mirë i Serisë A, Ciro Immobile, teksa këtë herë do të mbështetet nga Insigne në krahun e majtë dhe njëri mes Candrevës dhe Chiesës në të djathtë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...