Momenti magjik i Interit në Serinë A reflektohet edhe në merkato. “Zikaltrit” mësohet janë hedhur në sulm për të transferuar në Milano mesfushorin e Bayernit, Arturo Vidal. Sipas mediave italiane, futbollisti kilian ka dhënë miratimin e tij për nisjen e bisedimeve mes klubeve. Marrëveshja pritet të mbyllet në janar, megjithatë, më pare, duhet të shprehen edhe drejtuesit e kampionëve të Bundesligës. Vidal ka nevojë për të ndryshuar ambient, me Serinë A që mbetet kampionati i tij i preferuar, pas përvojës së jashtëzakonshme me Juventusin. Për momentin, nuk ka informacione të sakta për shumën që duhet të shpenzojë Interi për të siguruar shërbimet e 30-vjecarit, por në shtëpinë e Interit besojnë se do të jetë pikërisht Vidal “dhurata” e Krishtlindjes për Spallettin.
