Serie A

Inter dhe Milan, kundër shoqërisë që administron San Siron

Pas Milanit, që depozituan dje prishjen e kontratës me kompaninë që menaxhon stadiumin ‘San Siro’, të njëjtën gjë e ka bërë edhe Interi ditën e sotme.

Të dy klubet e Milanos kanë një kontratë me kompaninë ‘M-I Stadio Srl’, që menaxhon stadiumin mitik, e cila zgjat deri në qershor të 2018-ës dhe rinovohet automatikisht nëse asnjë nga klubet nuk njofton më herët prishjen e saj.

Por si Interi, edhe Milani janë të pakënaqura me mënyrën e menaxhimit të stadiumit, që ka mbetur i vjetëruar dhe kanë dalë haptazi kundër kësaj shoqërie.

2 klubet e Milanos kanë kërkuar uljen në një tryezë edhe me Bashkinë, për të rregulluar kushtet e menaxhimit, që deri në këtë pikë, është i papranueshëm.

To Top