Serie A

Icardi nuk ia del, ndaj Bolognës sërish radha e Eder

Si të mos mjaftonte periudha e keqe, në të cilën po kalon, Interi i Spallettit duhet t’i bëjë sërish llogaritë me mungesën e kapitenit Mauro Icardi. Sulmuesi, që mungoi edhe në sfidën me Crotonen për shkak të një dëmtimi, nuk ia ka dalë të rikuperohet dhe nuk është grumbulluar për sfidën e nesërme.

Ky është një lajm i keq për ambientin zikaltër, sidomos kur evidentohet se Icardi ka shënuar 18 nga 38 golat e Interit, pra thuajse gjysmën e totalit. Edhe këtë herë Spalletti do t’i besojë italo-brazilianit Eder majën e sulmit, që ndaj Crotones arriti të shënojë, por që nuk është një pykë e mirfilltë.

Dyshimet e Spallettit janë vetëm në mesin e fushës, ku ende trajneri nuk e ka ndarë mendjen, të aktivizojë Rafinhën apo të kroatin Brozoviç.

To Top