Connect with us

Hi, what are you looking for?

Futboll

‘I rilinduri’ Kondogbia, mbush arkat e Interit

Goeffrey Kondogbia nuk arriti dot të shkëlqejë në fushë me skuadrën e Interit, por është gati të japë një kontribut shumë të madh ekonomik për arkat e klubit.

Francezi u transferua në verë të Valencia, sipas formulës, huazim me të drejtë blerjeje, për vlerën e 25 milionë eurove dhe pas javëve të para, duket se i ka bindur spanjollët të blejnë përfundimisht kartonin e tij në verë.

25 milionë eurot e arkëtuara nga Interi, do të çonin bilancin nga -18 milionë euro, në +7, para merkatos së ardhshme, por nuk mbaron me kaq. Valencia dhe Kondogbia po negociojnë edhe një kontratë të re, për 4 vitet e ardhshme dhe me një klauzolë prej 80 milionë eurosh.

Këtu Interi do të përfitonte sërish, sepse sipas kontratës, 30 % e të ardhurave nga rishitja e Kondogbiasë, do të kalojnë në arkat e zikaltërve. Pra, nëse Kondogbia vijon me paraqitjet e mira dhe klubet e mëdha vendosin të paguajnë klauzolën e tij, në arkat e Interit do të përfundojnë edhe 24 milionë euro të tjera.

Në këtë mënyrë, operacioni për blerjen e mesfushorit francez do të shndërrohej nga dështim, në sukses të madh për njerëzit e merkatos te klubi zikaltër. Kondogbia e ka nisur sezonin në mënyrë të shkëlqyer te Valencia, ku ka arritur të shënojë edhe 2 gola në 6 javët e para, aq sa te Interi iu deshën 50 ndeshje për t’i shënuar.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...