Lionel Messi i pret krahët kompanisë Vueling… Duket se një nga ata tituj gazetash apo portalesh që përzgjidhet për kryeveprat futbollistike të “yllit” argjentinas, por këtë herë sfida është me një kompani ajrore. Kjo ngjarje vjen nga Katalunja, nga ku presidenti i kompanisë ajrore Vueling Sanchez-Prieto, ka deklaruar se nuk mund të rritë numrin e fluturimeve në zonën e Gavà-Castelldefels nëpërmjet ndërtimit të një terminali të ri. Arsyeja? “Nuk mundemi, sepse aty pranë (rreth 13 kilometra distancë) banon Lionel Messi. Kjo s’do të ndodhte në asnjë vend tjetër të botës.”
Vetëm sepse i prishet qetësia lojtarit më të rëndësishëm të Barcelonës, është e pamundur që të zgjerohet terminali i këtij aeroporti. Mund të duket e çuditshme, por për “Pleshtin” edhe autoritet shtetërore janë gati të marrin vendime kontroverse. Sigurisht për popullin e Katalunjës, Lionel Messi është vetë perëndia.
