Aventura e Arkadiuz Milik me fanelën e Napolit mund të konsiderohet vërtetë e pafatë. Polaku erdhi verën e kaluar te napolitanët, por pas 2 muajsh pësoi një dëmtim të rëndë, që e mbajti jashtë fushave deri në prill të këtij viti.
Edhe ky sezon pati të njëjtën tablo, teksa Milik u dëmtua sërish në transfertën ndaj SPAL-it dhe do të qendrojë jashtë fushe për rreth 4 muaj. Presidenti i Napolit, De Laurentis hodhi idenë e huazimit të Milik në janar, te skuadra e Chievos, për të kthyer në dispozicion të Sarrit sulmuesin e veronezëve, Inglessen.
Duket se edhe vetë polaku e mirëpret një ide të tillë, teksa tha se po e merr në konsideratë të kalojë një periudhë 6 mujore në huazim te Chievo.
“Po mendoj se 6 muaj në huazim, do të më bëjnë mirë dhe do të më ndihmojnë që të rikthehem më i fortë te Napoli, sezonin e ardhshëm. Te Chievo do të kem mundësi të rikuperohem gradualisht, duke luajtur vetëm një herë në javë, ndërsa te napolitanët ka shumë intensitet dhe mund të rrezikoj një tjetër dëmtim”, tha Milik.