Bashkimi i Prizrenit kampion i Kosovës në basketboll për meshkuj për herë të parë në histori. Prizrenasit fituan përballjen e tretë të serisë së finales ndaj Sigal Prishtinës, duke i mbyllur llogaritë me rezultatin e përgjithshëm 3-1. Në përplasjen e katërt në pallatin e sportit “Sezai Surroi” Bashkimi dominoi kryeqytetasit me rezultatin 77-62, duke e merituar plotësisht titullin.
Në fakt sfida ishte e ekuilibruar në tri periodat e para, por pikërisht në të fundit, atë vendimtare, Bashkimi u shfaq i papërmbajtshëm duke fituar në fund me 15 pikë diferencë.
Për Prishtinën nuk mjaftoi paraqitja individuale e Filip Bundovic, që shënoi 24 pikë, pasi Bashkimi u shfaq një skuadër kompakte, me 4 lojtarë që arritën të shënonin një numër dyshifror pikësh.
