Ishte pikërisht Ardit Hila, që me golin e tij i hapi rrugë fitores me përmbysje të Teutës në “Roza Haxhiu”. Futbollisti elbasanas, në “Gol pas Goli” deklaroi se gara për mbijetesë do të jetë e fortë deri në fund.
“Ishte një fitore e vështirë, pasi Lushnja po respekton kampionatin, por ne treguam karakter duke përmbysur rezultatin. Në mungesë të Çyrbjes unë jam zëvendës-kapiten. Jemi afruar me Vllazninë dhe kemi elementë të mirë në ekip. Ne që kemi më shumë eksperiencë duhet të ndihmojmë më të rinjtë. Mbijetesa? Garë është shumë e fortë. Lushnja është thuajse e rënë por po respekton kampionatin duke luajtur fort kundër çdo kundërshtari.”
