Jupp Heynckes i fiksuar pas Kevin De Bruyne. Trajneri i Bayernit të Mynihut ka folur për merkaton e bavarezevë dhe në veçanti për mesfushorin e Manchester City për të cilin është i gatshëm të bëjë çdo vetëm për të patur në dispozicion shërbimet e lojtarit.
“Kevin De Bryne i këtij sezoni nuk ka lidhje me atë të vitit të kaluar, por për të unë do të jepja gjithçka vetëm për të patur në radhët e Bayernit. Momentalisht është një prej lojtarëve më të mirë në Europë. Është i nevojshëm afrimi i ndonjë futbollisti, por në ditët e sotme me 50 milionë euro është disi e vështirë të sigurosh elementë cilësorë.”
Fjalët e gjermanit janë një mesazh i qartë që belgu është nën lupën e tij. Për momentin vështirë se mund të flitet për një transferim të mundshem, por ndoshta në verë dëshira mund të jetë më konkrete. Më pas Heynckes flet për suksesin e trefishtë. Arritje kjo që kampionët në fuqi të Gjermanisë e kanë siguruar më herët pikërisht gjatë kohës kur drejoteshin nga 72-vjeçari.
“Jemi favoritë, por sigurisht gara është e fortë. Ka skuadra si Manchester City, Reali i Madridit, Paris Saint Germmain dhe Barcelona të cilat janë kundërshtarë të fortë. Është e vështirë të sigurosh sukses të trefishtë, kampionat, Champions League dhe Kupë e Gjermanisë, por ne do ta provojmë. I kemi të gjitha mundësitë. Personalisht dua kampionatin. Do të ishte sukes i madh, sepse të marrësh në gjysmën e sezonit skuadrën dhe të fitosh kampionatin nuk është mision i thjeshtë. “