Transferimi te Manchester United mbetet një mundësi reale për Antoine Griezmann, i cili u kërkua me ngulm nga “Djajtë e Kuq” edhe gjatë verës së kaluar, por për shkak të pezullimit të merkatos së “Los Colchoneros”, në formë mirënjohjeje vendosi të rinovonte kontratën. Në një paragraf të autobiografisë së tij, sulmuesi francez kujton se “fakti që kam rinovuar kontratën nuk do të thotë se një ditë nuk do të largohet nga Atletico. Nuk e kam marrë një vendim, sepse ndikojnë shumë faktorë. Nuk kam asgjë kundër futbollit anglez, përvec kushteve klimaterike. Manchester United është një mundësi. Tek Atletico jam shumë i lumtur, pasi kam një trajner të madh dhe shokë skuadre shumë të mirë, të cilët rregullisht më pyesin për të ardhmen. Nuk përjashtoj asgjë.”
Griezmann ndodhet në radhët e Atleticos që nga viti 2014, ndërsa në këtë sezon ka mundur të shënojë vetëm në tre raste, përkundrejt 26 finalizimeve të sezonit të kaluar.
