Eros Grezda është futbollisti shqiptar i momentit, falë formës së shkëlqyer që po kalon. Pasi ndëshkoi dy ekipet kryesuese të kampionatit kroat, në dy javët e fundit, gjakovari nuk e ka ulur ritmin as në kupë, teksa ka shënuar në fitoren 0-4, të skuadrës së tij Osijek, në transfertën ndaj Zadarit.
Futbollisti i kombëtares shqiptare shënoi golin e dytë, në fillimin e pjesës së dytë, saktësisht në minutën e 49’, duke i dhënë qetësi skuadrës së tij.
Grezda ka arritur të fitojë një fanelë titullari edhe në kombëtaren shqiptare, me trajnerin Panucci që i ka besuar në çdo takim gjakovarit.
