Pavarësisht se ka rënë tashmë nga Superiorja, Lushnja u imponua mirë ndaj Kamzës dhe për pak i rrëmbeu një barazim në ndeshjen e sotme. Trajneri i verdhejeshilëve theksoi se Lushnja do të bëjë maksimumin për të respektuar kampionatin, gjë që u munda ta bëjë edhe sot.
Kamza fitoi, por ia bëtë shumë të vështirë sot…
U bë 4 javë që punoj me skuadrën dhe besoj se deri diku lojtarët kanë arritur të kuptojnë idetë e mia të lojës. Ne e kemi thënë se do respektojmë kampionatin, duke mos u bërë pjesë e pazareve. E treguam edhe sot, ku u përpoqëm shumë për të ndalur Kamzën, por vetëm dëshira nuk na mjaftoi, duke humbur në minutat e fundit.
Të respektosh garën, do të thotë të lësh edhe shenjë…
Është e drejtë kjo që thoni, pasi pavarësisht dëshirës dhe angazhimit, nuk ia kemi dalë të marrim pikë. Gjithsesi sot mund t’ia kishim dalë, pasi shkuam shumë pranë, por kishim edhe 4 mungesa.
